اۋىل شارۋاشىلىعى ءمينيسترىنىڭ ورىنباسارى ەربول تاسجۇرەكوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا استىقتى تەرەڭ وڭدەۋگە 1,9 ترلن تەڭگە ينۆەستيتسيا تارتىلاتىنىن ايتتى.

— قايتا وڭدەۋ كولەمىنىڭ ءوسۋى ەلدىڭ ەكسپورتتىق الەۋەتىنىڭ ارتۋىنا تىكەلەي اسەر ەتەدى. 2025 جىلدىڭ قورىتىندىسى بويىنشا قايتا وڭدەلگەن ءونىم ەكسپورتى 3,6 ملرد دوللار بولىپ، وتكەن جىلمەن سالىستىرعاندا 35% ءوستى. جالپى العاندا اگروونەركاسىپ كەشەنى 7 ملرد دوللاردىڭ ءونىمىن ەكسپورتتاپ، وتكەن جىلدىڭ كورسەتكىشىنەن 37% جوعارى ناتيجە تىركەدى، — دەدى ەربول تاسجۇرەكوۆ.

سونداي-اق، ول مايلى داقىلداردى قايتا وڭدەۋ سالاسىندا 94 ملرد تەڭگەنىڭ 13 جوباسى ىسكە اسىرىلاتىنىن ايتتى.

— استىقتى تەرەڭ وڭدەۋ باعىتىندا 1,9 ترلن تەڭگەنىڭ 6 ءىرى جوباسى جوسپارلانعان. ءسۇت سالاسىندا 41 ملرد تەڭگەنىڭ 12 جوبا ىسكە قوسىلىپ، قوسىمشا 165 مىڭ توننا قايتا وڭدەۋ قۋاتى ىسكە قوسىلادى، — دەدى ۆيتسە-مينيستر.

Abai.kz