قارجى پيراميداسى ءىسى بويىنشا سوتتالعان ۆاينەر تورەباەۆ بوستاندىققا شىقتى.

ول جاقىندارىمەن قاۋىشقان ءساتى تۇسىرىلگەن ۆيدەونى الەۋمەتتىك جەلىدەگى پاراقشاسىندا جاريالادى. تورەباەۆ جازباسىنا: «وزگەلەرگە ماحاببات سىيلاي ءبىلۋ. قاراپايىم نارسەلەرگە قۋانۋ»، — دەپ قىسقاشا قايىردى.

ەسكە سالا كەتەيىك، 2022 جىلى بىرنەشە تانىمال بلوگەر — مەيىرجان تورەباەۆ، مەيىرحان شەرنيازوۆ جانە ءازىمجان سايدباەۆ — Mudarabah Capital قارجى پيراميداسى تۋرالى قىلمىستىق ءىستىڭ ورتاسىندا قالعان بولاتىن. تەرگەۋ مالىمەتتەرى بويىنشا، ولار جوبانى جارنامالاپ قانا قويماي، وعان تىكەلەي تارتىلىپ، تابىس تاۋىپ وتىرعان.

كەيىنىرەك «ورداعا» بەرگەن سۇحباتىندا تورەباەۆ قارجى پيراميداسى دەپ تانىلعان Mudarabah Capital كومپانياسىنا وندا دوستارى بولعاندىقتان سەنگەنىن ايتقان ەدى. ۆاينەر ءوزىنىڭ دە زارداپ شەككەنىن جانە بۇل سحەمادان ەشقانداي پايدا كورمەگەنىن مالىمدەدى. سونداي-اق، ول قنردا (قارجى نارىعىن رەتتەۋ جانە دامىتۋ اگەنتتىگى) 2020 جىلدىڭ وزىندە Mudarabah توڭىرەگىندەگى تاۋەكەلدەر تۋرالى ەسكەرتكەنىن العا تارتتى.

2022 جىلدىڭ ءساۋىر ايىندا ۆاينەر قاماۋعا الىندى. 2023 جىلدىڭ ماۋسىمىندا سوت ونى جانە شەرنيازوۆتى بەس جىلعا باس بوستاندىعىنان ايىردى.

2025 جىلدىڭ جازىندا الدىمەن مەيىرحان شەرنيازوۆ بوساپ شىققان ەدى. ەندى، مىنە، تورەباەۆ تا بوستاندىققا شىقتى.

Abai.kz