مەملەكەت باسشىسىنىڭ كوبەيتۇز كولىنە ەرەكشە قورعالاتىن تابيعياۋماق مارتەبەسىن بەرۋ تۋرالى تاپسىرماسىن ورىنداۋ اياسىندا اقمولا وبلىسىندا سۋ ايدىنىن «بۇيراتاۋ» مەملەكەتتىك ۇلتتىق تابيعي پاركىنىڭ قۇرامىنا قوسۋ بويىنشا دايىندىق جۇمىستارى جۇرگىزىلءىپ جاتىر.

قازىرگى ۋاقىتتا كول اۋماعىندا تابيعاتتى قورعاۋ شارالارىنىڭ كەشەنى جۇزەگە اسىرىلىپ كەلەدى. كولگە ىرگەلەس اۋماقتا قورشاۋلار مەن اقپاراتتىق تاقتالار ورناتىلدى. الداعى ۋاقىتتا كول اۋماعىندا قوناقتار ءۇشىن ارنايى اۆتوتۇراق پەن شولۋ الاڭدارى پايدا بولادى. بۇل قورشاعان ورتاعا زيان كەلتىرمەي ونى تاماشالاۋعا مۇمكىندىك بەرەدى.

سونىمەن قاتار, كولگە قاتىستى بىرقاتار شەكتەۋ قويىلىپ وتىر: اۆتوكولىكپەن كىرۋگە, جاعالاۋ اۋماعىنا بارۋعا, شومىلۋعا, تۇز بەن ەمدىك بالشىق جيناۋعا تولىقتاي تىيىم سالىنادى. ۇلتتىق پاركءتىڭ مەملەكەتتىك ينسپەكتورلارى مەن پوليتسيا قىزمەتكەرلەرى اۋماقتى تاۋلىك بويى كۇزەتءىپجاتىر.

بۇل شارالار سوڭعى جىلدارى ايتارلىقتاي انتروپوگەندىك زارداپ شەككەن كولدى ساقتاۋعا باعىتتالعان. اقمولا وبلىسىنىڭ اكىمدىگى ازاماتتاردى بىرەگەي ەكوجۇيەنى بولاشاق ۇرپاق ءۇشىن ساقتاۋ ماقساتىندا بەلگىلەنگەن تالاپتاردى قاتاڭ ساقتاۋعا شاقىرادى.

استانادان شامامەن 160 شاقىرىم جەردە ورنالاسقان كوبەيتۇز كولى ءوزىنىڭ ەرەكشە قىزعىلت رەڭىمەن تانىمال. وسىنداي بىرەگەي تابيعي ەرەكشەلىكمىڭداعان ءتۋريستىڭ قىزىعۋشىلىعىن تۋدىرىپ, كولگە كەلەتىن ادام سانى جىلسايىن ارتىپ كەلەدى.

Abai.kz