جاعىمپازدىق، جارامساقتىق دەپ باس سالىپ كۇستانالاۋ كۇنا بولار، بiراق قازاقتا، ونىڭ وسى كۇنگi باسپاسوزiندە الدە جەتiم بالاعا، الدە نامىسى تاپتالعانىنا ەتi ءولiپ كەتكەن بايعۇسقا ءتان بiر بۇيىعىلىق الدە قايتiپ كەتەم دەگەن بiر ۇرگەدەكتiك بار. مۇنى نە ءوز ەلiنiڭ تاعدىرىنا دەگەن كەرەناۋلىق، نە ساياسي باسىرلىق دەسەك بولادى.

قازاقتىڭ ساياسي باسىرلىعى ياعني، ساياسي قاراڭعىلىعى كەڭەس زامانىندا باستالدى. وعان دەيiن قازاقتىڭ ءسوزi دۋالى بيلەرi مەن اۋىل اقساقالدارىنان، وت اۋىزدى، وراق تiلدi شەشەندەرiنەن باستاپ ەل باستاعان، قول باستاعان حاندارى مەن باتىرلارىنا شەيiن كورشiلەس مەملەكەتتەردiڭ ءار قيمىلى مەن پيعىلىن ولاردىڭ ەرتەڭگi كۇنگە قانداي قام جاساپ وتىرعانىن قالت جiبەرمەي اڭدىپ وتىراتىندى. ارينە، بۇل ساياسي قىراعىلىق، بۇل ساياسي جiتiكوزدiك قازاق تاعدىرىن ورىستار، ياعني، رەسەي ءتۇپ-تۇگەل ءوز قولىنا العاننان كەيiن قازاقتىڭ كەرەناۋلىعىنا، بويكۇيەزدiگiنە اينالدى دا ول ءوز مەملەكەتiنiڭ، ءوز ۇرپاعىنىڭ، ياعني، ۇلتىنىڭ، ەرتەڭ كiم بولارىنا باسىن اۋىرتپايتىن بۇگiنگi ماڭگۇرتتiككە اكەلدi. وسىلاي بولارىن بiلiپ، قالىڭ قازاقتىڭ iشiنەن ۇلتىنىڭ ۋايىمىن قورىقپاي، باتىل ايتاتىن، سونادايدان وركەشتەنiپ كورiنەتiن ورەلi ۇلدارىن ورىستار پاتشا زامانىندا دا كەڭەس زامانىندا دا دەر كەزiندە قاعىپ تاستاپ وتىردى. سوناۋ كەنەسارى-ناۋرىزبايدان، جانعوجا، كوتiباردان، ەسەت كوتiبارۇلى مەن تاما ەسەتتەن، جىلقامان، سارتايدان  باستاپ  كەشەگi سماعۇل سادۋاقاسوۆ، سۇلتانبەك قوجانوۆ، احمەت بايتۇرسىنوۆ، ءابدiراحمان ايتيەۆ، حالەل، جانشا دوسمۇحامەدوۆ، سەيiتقالي مەڭدەشەۆتەر سول «قاعىپ تاستاۋ» ساياساتىنىڭ قۇرباندارى بولدى. ارينە، «حالىق - اللانىڭ بiر اتى»، حالىق دەگەن وتە كيەلi ۇعىم. بiراق ءار كەزەڭ، ءار زامان تابالدىرىعىن اتتاعان سايىن الگiندەي ويىن اشىق ايتاتىن، ساناسى بيiك ازاماتتارى جويىلىپ وتىرعان ءجاي حالىق قاشاندا بيلiك باسىنداعىلاردىڭ اشسا الاقانىندا، جۇمسا جۇمىرىعىندا بولادى. ەندi ول حالىقتىڭ iشiندەگi ەڭ  بiر بيلiكتەگiلەردiڭ كوڭiلiنە جاقىن، قاي ۇلت ۇستەم بولسا، سوعان قىزمەت ەتەتiن كوزi اشىق، وقىعاندار ابىروي-بەدەلگە، اتاق-داڭققا يە بولادى. بيلiك باسىنداعىلار سولاردى حالىققا ۇلگi-ونەگە قىپ كورسەتەدi. ەندi حالىق سولاردى قۇرمەت تۇتاتىن بولادى.

مىسالى، پاتشا زامانىندا ءابiلحايىر حاندى، كوتiبار مەن جانعوجانى، سىرىم داتۇلى مەن مىرزاعۇل شمانۇلىن ولتiرگەندەر اتاق-داڭققا يە بولىپ، جاسىرىن شەن-شەكپەن الدى. قازاق ءۇنسiز. كەڭەس زامانىندا ورىسشا ولەڭ جازعان شالاقازاقتار ەڭ تالانتتى اقىن اتاندى، ورىسشا تازا سويلەيتiندەر لاۋازىمدى قىزمەتكە جوعارىلاتىلدى. ءجاي قازاق تا، ادەبيەت پەن باسپاسوزدەگi قازاق تاونىڭ دا ەرسi ەكەنiن بiلە تۇرا بىلق ەتكەن جوق. بىلق ەتپەك تۇگiل ورىسشا «اكتسەنتسiز سويلەۋ» جونiنەن جارىسقا ءتۇستi. €زبەكستان باسشىسى ش. راشيدوۆ مۋزىكا مەكتەپتەرiندە ەۋروپانىڭ كلاسسيكالىق شىعارمالارىن وقىتپاي-اق قويۋدى قولداپتى، بiزدiڭ ديمەكەڭ ورىسشا تازا سويلەيدi, ال راشيدوۆ اكتسەنتپەن سويلەيدi ەكەن جانە جينالىستاردا وزبەكشە سويلەيتiن كورiنەدi دەپ «كەمiتتi». قازاق قىزدارى مەن ايەلدەرiنiڭ كويلەگiنiڭ ەتەگi تiزەدەن كەرەقارىس كوتەرiلiپ كەتكەندە وزبەكتiڭ قىزدارى ەتەگiنەن سامال سوققان ءپاتشايi كويلەك پەن مول پiشiلگەن زەربالاق دامبالدى، كۇلدەي ۇساق مونشاقتان گۇل توككەن تاقياسىن تاستاعان ەمەس. بiز جىل سايىن ميلليارد پۇت استىقتى وتاننىڭ «وبششايا قامباسىنا» قۇيدىق دەپ ماقتانىپ جاتقاندا اۋەلi وزبەك ۇلتىنىڭ مۇددەسiن ويلايتىن ش. راشيدوۆ وزبەكستاننىڭ بiرنەشە جىل بويى ماقتادان تۇسەتiن اقشاسىن تەك رەسپۋبليكا قازىناسىنا (قازاقتار بيۋدجەت دەپ سويلەيدi) ءتۇسiرiپ تۇرۋعا ماسكەۋدi كوندiرiپ، سول اقشاعا تاشكەنتتەن بiرەر جىلدا مەترو سالدىرىپ الدى. سول كەزدەگi قازاق باسشىلارى سونى كورiپ-بiلiپ-اق وتىردى.

قايسىبiرiن ايتىپ تاۋىساسىز، اسiرەسە 1966 جىلدىڭ ساۋiرiندە تاشكەنت زiلزالادان قيراپ قالعاندا ونى قالپىنا كەلتiرۋگە ورىس، ۋكراين، بەلورۋس ەشەلون-ەشەلونىمەن الدىرىلدى. مiنە، سولار 1-2 جىلدا كونە تاشكەنتتiڭ ورنىنا جاڭا، قازiرگi زامانعى اسەم تاشكەنت قالاسىن تۇرعىزىپ بەردi دە وزدەرi كەرi قايتىپ كەتتi. بۇل دا ش. راشيدوۆتىڭ ۇلتجاندى ساياساتىنىڭ جەمiسi ەكەن. سويتسەك، ول تەك 4-5 بولمەلi ءۇي سالۋعا نۇسقاۋ بەرiپتi. ال ول ۇيلەر زاڭ بويىنشا كوپ بالالىلارعا بەرiلەدi. شامادانىنا تولتىرىپ تەمەكi iسi مەن  بiر جارتىسىن، كولباساسىن سالىپ كەلگەن ورىستا قايدان كوپ بالا بولسىن، سول شامادانىن ارقالاپ كەرi قايتتى. بiراق وزبەك گازەتتەرi مەن تەلەارنالارى قازاقتارعا ۇقساپ «ويباي، ورىستار كەتiپ بارادى، بiلiكتi ماماندار، كەرەمەت قۇرىلىسشىلار كەتiپ جاتىر» - دەپ زار ەڭiرەگەن جوق. «اكا»، «ۇكا»لاپ شىعارىپ سالدى. ال قازاق باسىلىمدارى بۇكiل رەسەيدەن، سiبiردەن اعىلىپ كەلiپ جاتقان كەلiمسەك پەن قاڭعىمالاردىڭ، تۇرمەدەن شىققان، شارتتى تۇردە بوساتىلعان، كiسi ولتiرگەن، ايەل، قىز زورلاعانداردىڭ قازاقستانعا كەلiپ «ەرەن ەڭبەك ۇلگiسiن كورسەتiپ»، «تىڭ دالانى ەڭبەك سيمفونياسىمەن جاڭعىرىقتىرىپ»، تiپتi, قازاق قىزدارىمەن قۇشاقتاسىپ جۇرگەندەرiن، ورىسقا، ۋكراينعا، بەلورۋسقا قاتىن بولىپ جاتقانداردى قۋانا حابارلاپ، سۋرەتتەرiن جارىسا باسىپ جاتتى. بۇل سول كەزدە ەلدi باسقارعان الدە قازاق، الدە باسقا اتا-تەگi بەلگiسiز بiرەۋلەردiڭ قازاقتى ماڭگۇرتتەندiرۋ ساياساتى ەدi. ارينە ولار بۇل تاپسىرمانى ماسكەۋدەن الىپ وتىردى. ال حالىق ءۇيدiڭ اينالاسىنداعىدان، ءۇيدiڭ iشiندەگiدەن ءارiنi كورمەيتiن كوركەۋدە كۇيگە ءتۇستi. مۇنداي ادامداردى ادەتتە «كورلات» دەيدi. ياعني،  كوردەن شىقپاي قالعان، ۇيكۇشiك ادام دەگەن ءسوز. ونداي ادامدار ۇلتى دا، جەكە ءوزi دە قورلىققا، مازاققا ءتۇسiپ وتىرعانىنا، بايلىعىن بiرەۋلەر، جات ەلدiكتەر توناپ جاتقانىنا، ونى ويلاۋعا ساناسى جەتپەيدi. بۇل توزاققا ۇيرەنگەن ادامعا «كەل، جۇماققا شىعارايىن»،- دەسەڭ «جوق، وسىنىم جاقسى» دەيدi ەكەننiڭ كەرi دەگەن وسىندايعا وراي ايتىلعان. ال كوزi اشىق دەگەن قازاق جۋرناليستەرi, ياعني قازاقي اقپارات قۇرالدارى سول كەزدە الگi ينتەرناتسيونالدىق ساياساتتى جارىسا ۋاعىزدادى.

بايلىق دەگەننەن شىعادى-اۋ: قازاقتار سول جىلدارى قازاق دالاسىنداعى بۇكiل التىن، كۇمiس، جەز، كومiر جاتقان كەندi جەرلەردi ورىستارعا، رەسەيگە كورسەتiپ، سول جەرلەردiڭ تابيعي جاعدايلارىن، جەرگiلiكتi ۇلتتىڭ سالت-ءداستۇرiنiڭ قىر-سىرىن جايىپ بەرiپ وتىرعان ازاماتتاردى جەر-كوككە سىيعىزباي ماقتادى. ولارعا عالىم، قوعام، مەملەكەت قايراتكەرi اتاعىن بەردi. اكادەميك جاسادى. سونداعى بار ايتارى -- ول قازاق حالقىن دۇنيەجۇزiنە تانىتتى-مىس. سول اعالار مەن اقساقالداردى ءالi ماقتاپ كەلەمiز. بۇگiندە ولاردىڭ سول قاتەلiكتەرiن ايتىپ، ەرتەڭگi, بۇگiنگi ۇرپاققا سونى ءتۇسiندiرۋدi ەسكەرمەي كەلە جاتقانىمىزعا قاراعاندا بiز، ياعني، قازاق ۇلتى ءالi دە بولسا ساياسي سانامىزدى، ۇلتتىق مۇددەلiلiگiمiزدi جەتiلدiرە ءتۇسۋدi قولعا الۋىمىز كەرەك سياقتى ما، قالاي ءوزi?

ونى ايتاسىز-اۋ، بiز بۇگiندە اناۋ جەردە مۇنشا ميلليارد، مىنا جەردە مۇنشا ميلليارد توننا مۇناي، انا جەردە ۋران، مىنا جەردە وسمي بار ەكەن، تاعى دا كومiر كەندەرi تابىلدى، ەندi سونى تەزiرەك الىپ قىتايعا، تiكەلەي رەسەيگە، رەسەي ارقىلى ەۋروپاعا تاسۋىمىز كەرەك دەپ تەلەديداردان، باسپاسوزدەن ۇيالماي-قىزارماي كۇمپiلدەپ تۇرامىز. باياعى «قازاقستاندى ءسويتiپ، دۇنيەجۇزiنە تانىتۋدامىز» دەگەندi ءالi قاقىلداۋمەن كەلەمiز. «€يتiپ  جۇرت اتاۋلىعا بايلىعىمىزدى شاشىپ تانىلعاننان  تانىلماي-اق قويعانىمىز جاقسى » دەگەن بiر اۋىز ءسوز جوق. ال ونداي ءسوز ايتىلماعان جەردە ەشقانداي شىندىق، ادiلدiك بولمايدى. ەگەر بايلىق شاشىپ، دۇنيەجۇزiنە تانىلىپ بايىپ كەتەتiن، قارњاللازي ءومiر سۇرەتiن بiر حالىق بولسا، قازاقتار باياعىدا-اق جۇماق ومiرگە تاپ بولىپ، ۇلى اربا سۇيرەتiپ، ءارi كەتسە «احىرانعا جۇمىسقا تۇردىم» دەپ ماقتانباي، قىزدارى ءتانiن ساتىپ، ءارi كەتسە بiرەۋدiڭ اسحاناسىنىڭ ىدىس-اياعىن جۋعانىنا ءماز بولىپ  جۇرمەس ەدi. بiر قىزىعى قازەكەم، وسىنىڭ ءبارiن  كورiپ، بiلiپ-اق وتىر. بiراق ءۇن جوق. قاشاندا ارنارسەگە كۇيiپ-پiسiپ جۇرەگiن بiر كۇيگەلەك اقىن بايعۇس:

         ازاتتىق تاڭى اتقاندا

         الدىمنان  شىقتى-اۋ كiل ەگەس.

         الاقان جايىپ اسپانعا،

         مەن كۇتكەن باقىت بۇل ەمەس.

         ەستi الىپ ەرگە قوندىرعان

         ەركiندiك دەگەن بiر ەلەس،

         قولداعى باردى قور قىلعان،

         مەن كۇتكەن باقىت بۇل ەمەس،--دەپ، ءوزiنiڭ مۇڭى ارقىلى دا وسىنى ايتقىسى كەلگەن سياقتى.

         ول، تiپتi, تاۋەلسiز بولدىم دەپ 17 جىل بويى تويدان-توي، مەرەكەدەن مەرەكە وتكiزiپ، سول توي-مەرەكەلەرگە ادامنىڭ اقىل-ەسi جەتiپ، ساناپ تاۋىسا المايتىن اقشا شاشىپ ءجۇرiپ، ءوز ەلiندە جاڭا، سوراقى   بiر iس باستالعانىنا  دا ۇندەمەي وتىر. ول سوراقىلىق قازاقستاندىق ۇلت جاساۋ دەپ اتالادى. ءادiلiن ايتساق بۇل - ونشا جاڭالىق ەمەس، ياعني، ول كەرەمەت بiر ساياساتكەرلiك ەمەس. بۇل بۇرىندا ءار جەردە «شاڭ بەرiپ قالعان يدەيا». ول بۇرىن iشiندە ديكتاتورلىق پيعىلى بار بiرەۋلەردە بولعان. بۇل يدەيا توتاليتارلىق تا، دەموكراتيالىق تا باعىتتا بولا بەرەدi. مىسالى، كسرو  داۋiرلەپ تۇرعاندا «سوۆەت حالقى» دەگەن حالىق قالىپتاسىپ بولعانى تۋرالى رەسمي تۇردە جاريالاندى. ونىڭ ءوزi نەگiزiنەن تەك ورىس تiلiندە سويلەۋگە مiندەتتi, ورىستىڭ باسشىلىعىنداعى حالىق، ياعني، ۇلت بولعانىمەن ۇياتتان حابارى بار كوممۋنيستەر تولقۇجاتتاعى ۇلتى كورسەتiلگەن باعانانى وشiرۋگە، ءسويتiپ «ەتنيكالىق ۇلت» («ەتنيچەسكايا ناتسيا») دەگەن ۇعىمدى جويۋعا باتىلى بارا قويعان جوق. ال اقش-تا «امەريكالىق ۇلت» قالىپتاستى دەگەن ءسوز قىپ-قىزىل وتiرiك. ونداعى اعىلشىندار وزدەرiن اعىلشىن، فرانتسۋزدار -- فرانتسۋز، نەمiستەر -- نەمiس، يسپاندار--يسپان دەپ اتايدى. تەك اتا-باباسىن حIح عاسىردا افريكانىڭ قاي تۇكپiرiنەن كiسەندەپ اكەلگەنi,  قاي تايپادان تاراعانى بەلگiسiز زۇلىستاردىڭ، زاڭگiرلەردiڭ (نەگرلەردiڭ) بۇگiنگi ۇرپاقتارى عانا امەريكالىقپىز دەيدi. قازiر ولاردىڭ دا كەيبiر اۋقاتتىلارى ارعى تەگiن iزدەستiرiپ، دنك دەگەنiن تەكسەرتiپ دiڭكەلەپ ءجۇر. «امەريكالىق» دەپ  اتالاتىن «ەتنونيم» شارتتى تۇردە، سولارعا قاتىستى ايتىلادى. ياعني، بۇل تۇسپالدانعان، بۇركەمەلi اتاۋ. ال «قازاقستاندىق» دەپ اتالاتىن ۇلتتى جاساۋشىلار بۇل iستi «ساقتىقپەن iسكە اسىرۋ  كەرەك»، «ابايلاپ iستەۋ كەرەك» دەپ قانشا مايموڭكەلەگەنiمەن ولاردىڭ پيعىلى بiرەۋ-اق. ول -- قازاق دەگەن ۇلتتى ءتۇپ-تامىرىمەن جويۋ.  ءسويتiپ، امەريكانىڭ جانە باسقا دا ەۋروپالىق مەملەكەتتەردiڭ تاپسىرماسىن ورىنداپ شىعۋ. گلوباليزاتسيانىڭ ەڭ باستى سالاسى-- ۇلتسىزداندىرۋ سالاسىن ولار قازاقستاندا باستاپ كەپ جiبەردi. ولار مۇنى قازاقتاردىڭ، ياعني، جوعارىداعىلار مەن  ولاردىڭ جاندايشاپتارىنىڭ ماقتانشاقتىعىن، جاعىمپازدىعىن، نامىسسىزدىعىن زەرتتەپ، بiلiپ العاننان كەيiن iستەپ وتىر. قازاقستانداعى گەندەرلiك ساياسات، اشىق قوعام قۇرۋ، ازاماتتىق قوعام قۇرۋ، ازاماتتىق نەكە، كەز-كەلگەن وتiرiك-شىنى ارالاس حالىقارالىق ۇيىم دەپ اتالاتىنعا قازاقستاننىڭ مۇشە بولىپ شىعا كەلۋi, دiندەردiڭ بiرiككەن جەرi سياقتى تولىپ جاتقان كوپiرتۋلەر مەن لەپiرتۋلەر، قازاقستاندا وتەتiن مەديافورۋم، ەۋرازيالىق فورۋم، دiندەر فورۋمى سياقتىلارى دا قازاقستاندى باتىستىڭ قىرىق قاتپارلى ارامزا ساياساتىنىڭ ورتالىعىنا اينالدىرۋدا. ەگەر وسى «قازاقستاندىق ۇلت» ساياساتى iسكە اسۋ ءۇشiن قازاقستاندا تۇراتىن ورىس، نەمiس، ەۆرەي، تەك قازاق تiلiندە سويلەيتiن بولسىن دەگەن زاڭ قابىلدانىپ، ول زاڭ بiردەن كۇشiنە مiنسە، بۇكiل قازاق بۇعان قوس قولىن كوتەرiپ قوسىلار ەدi. اتتەڭ، بۇل ولاي ەمەس، كەرiسiنشە، ياعني، مىنا جەر قازاقتىڭ جەرi, قازاقتىڭ ەلi ەمەس، بۇل -- ورىستىڭ دا، وسى كۇنi قازاقستاندا ابدەن بايىپ العان -- كورەيلەردiڭ دە، كەشە ينۆەستور بولىپ كەلگەن كەز-كەلگەن ەۋروپالىقتىڭ دا جەرi دەگەندi جۇزەگە اسىرۋ ءۇشiن iستەلiپ جاتقانى كورiنiپ-اق تۇر. ەگەر ولار «قازاقستاندىق» دەپ اتالاتىن بiر ۇلت بولسا، ولاردىڭ بiر عانا ورتاق تiلi بولۋى كەرەك. ال، ول ورتاق تiل--قازاق تiلi دەگەن ءسوز ايتىلمايدى. ونىڭ ورنىنا قازاقتى الداۋسىراتاتىن ءۇش تiلدiلiك ۇسىنىلۋدا. €يتكەنi, ءۇش تiلدiلiك جاعدايىندا، ياعني، ورىس پەن اعىلشىن تiلiنiڭ ورتاسىندا قازاق تiلi كۇنi ەرتەڭ-اق ءوز-وزiنەن جويىلىپ كەتەتiنiن گلوباليزاتور، تسيۆيليزوۆاننىي، ورىستiلدi باسشىلار جاقسى بiلiپ وتىر. €يتكەنi, ورىس پەن اعىلشىن قازاققا ۇستەم ەكەنi قاي جاعىنان دا كورiنiپ تۇرعان نارسە. مەملەكەتتە iس قاعازدارى، بۇكiل رەسمي قۇجات، رەسمي كەزدەسۋلەر، بۇكiل ەكونوميكا، قارجى، سوت سالاسى قاي تiلدە جۇرگiزiلiپ جاتسا، سول تiل ۇستەم بولاتىنىن، سوندىقتان قازاق تiلiن جويۋ ءۇشiن ونى مەملەكەتتiك ەمەس دەپ زاڭ شىعارىپ اۋرەلەنۋدiڭ قاجەتi جوق ەكەنiن شونجارلار جاقسى بiلiپ وتىر. ال تiلi جويىلعان ۇلت  ءوز-وزiنەن جويىلىپ كەتەدi. رەسەيدە كۇنi كەشەگi كەڭەس زامانىندا بiرنەشە ۇلت سولاي جويىلدى. وسىنىڭ ءبارiن كەز-كەلگەن شونجار  قازاق بiلەدi.

كوزi اشىق قازاق دەگەنiمiزدiڭ  بiرi - ءباسپاسوز سالاسىنداعى قازاق. امال نە نەگە ەكەنi بەلگiسiز سول كوزi اشىقتار دا وسى بiر سوراقى پيعىلدى باتىل اشكەرەلەۋگە كەرەناۋلىق كورسەتiپ وتىر. ال پارلامەنت شە دەيسiز عوي؟ بiز پارلامەنتتەگi ورىس تiلدi, ەۋروپاشىل قازاقتار مەن «ون كۇيەۋگە شىدايتىن» بيكەشتەردi بىلاي قويعاندا ونداعى اقساقالدارىمىزدىڭ دا جەر قازاق جەرiنiڭ تاعدىرى تالقىعا تۇسكەن ساتتە اشەيiندەگi «باتىرلىعىنىڭ» اۋسەلەسiن كورگەنبiز. جەر تۋرالى زاڭ شىققاننان بەرi بۇل ەلدiڭ، جەردiڭ يەسi قازاق ەمەس ەكەنi ايقىندالىپ-اق قالدى. قازiر قازاق جەرiن كiم بولسا سول يەمدەنiپ العانى، ەندi ونى قايتارۋ قيىنعا تۇسەتiنi ايتىلىپ تا ءجۇر. جاقىندا تەلەديداردان تىڭ ولكەسiندەگi بiر سۋ قويماسىنىڭ يەسi -- رەسەيدە تۇراتىن ورىس ەكەنiن ونى قايتارىپ الۋعا باس پروكۋراتۋرانىڭ دا قاۋمەتi جەتپەي جاتقانىن ەستiدiك. وسى حابار تەلەارنادا قازاق ۇلتىنىڭ، ۇلتتىق مۇددەسiنiڭ تۇرعىسىنان ەمەس، ءجاي الگi سۋ قويماسىنىڭ بەلگiلi بiر ايماققا، اۋىل شارۋاشىلىعىنا  قاجەت ەكەندiگiنە بايلانىستى وكپە-رەنiش تۇرiندە عانا ايتىلدى. ال بۇل ماسەلەلەر بۇرىسىندا وسى بiز كiمنiڭ، قاي ۇلتتىڭ مەملەكەتiندە، قاي ۇلتتىڭ جەرiندە ءومiر ءسۇرiپ جاتىرمىز، بۇيتە بەرسەك ۇرپاعىمىزدىڭ، بۇگiن دۇنيەگە كەلiپ جاتقان قازاق سابيلەرiنiڭ ەرتەڭگi كۇنi نە بولادى دەگەن تۇرعىدا كوتەرiلۋi كەرەك. بۇگiن قارنىم توق، ۇستiمدە ءابيiرiمدi كورسەتپەي تۇرعان لىپام بار، تۇنەپ شىعاتىن ءۇيiم بار، ءارi كەتسە ماشينام بار دەگەن شۇكiرلiكپەن ءومiر ءسۇرۋ ءجاي سۇتقورەكتi جانۋاريزمنiڭ بiر نىشانى. ونى كورلاتتiك كوزقاراس دەپ تە اتاۋعا بولادى. ال كورلاتتiك جەكە ادامنىڭ دا، ۇلتتىڭ دا كوسەگەسiن كوگەرتپەيدi. بiزگە «ويان قازاقتى» ۇران قىلاتىن زامان ەندi كەلگەن سياقتى.

اباي.kz