دۇيسەنبى, 20 قازان 2025
جاڭالىقتار 157 0 پىكىر 20 قازان, 2025 ساعات 15:27

ورىنبور گوز-ءى قازاقستاندىق شيكىزاتتى قابىلداۋدى ۋاقىتشا توقتاتتى

سۋرەت: Kursib media سايتىنان الىندى.

ۋكراين دروندارىنىڭ شابۋىلىنان كەيىن رەسەيدىڭ ورىنبور گاز وڭدەۋ زاۋىتى قازاقستاندىق شيكىزاتتى قابىلداۋدى ۋاقىتشا توقتاتتى.

قازاقستان ەنەرگەتيكا مينيسترلىگىنىڭ حابارلاۋىنشا، ورىنبور گاز وڭدەۋ زاۋىتى درون شابۋىلىنان كەيىن تۋىنداعان اپاتتىق جاعدايعا بايلانىستى قازاقستاندىق قاراشىعاناق كەنىشىنىڭ گازىن قابىلداۋدى ۋاقىتشا توقتاتقان.

“رەسەي جاعى زاۋىتتىڭ ءبۇلىنۋى جانە قالپىنا كەلتىرۋ جۇمىستارىنىڭ سيپاتى جونىندە اقپاراتتى ازىرگە بەرگەن جوق. قازاقستاندى گازبەن قامتاماسىز ەتۋ ۇزىلگەن جوق. گاز ىشكى تۇتىنۋشىلارعا شتاتتىق جاعدايدا ەش شەكتەۋسىز بەرىلىپ جاتىر” دەپ جازىلعان مينيسترلىكتىڭ حابارلاماسىندا.

بۇعان دەيىن جەكسەنبىگە قاراعان ءتۇنى ۋكراين دروندارى رەسەيدىڭ ورىنبور وبلىسىنداعى گاز وڭدەۋ زاۋىتىنا شابۋىلداعانى حابارلانعان. كۋاگەرلەر بىرنەشە جارىلىس بولعانىن ايتقان. وبلىس گۋبەرناتورى ەۆگەنيا سولنتسەۆانىڭ ايتۋىنشا، زاۋىت ينفراقۇرىلىمى جارتىلاي بۇلىنگەن.

“درون سوققىسىنىڭ ناتيجەسىندە تسەحتاردىڭ بىرىندە ءورت باستالدى. ونىڭ سالدارىن جويۋ ءۇشىن جەدەل قىزمەت جۇمىلدىرىلدى” دەپ جازدى وبلىس گۋبەرناتورى. ونىڭ سوزىنشە، كاسىپورىن قىزمەتكەرلەرى زارداپ شەكپەگەن، قالاعا قاۋىپ جوق.

ورىنبور گاز وڭدەۋ زاۋىتى الەمدەگى ءىرى گاز-حيميا كەشەندەرىنىڭ ءبىرى رەتىندە اتالادى. زاۋىت جىلىنا 37,5 ملرد تەكشەمەتر گاز وڭدەيدى.

Abai.kz

0 پىكىر

ۇزدىك ماتەريالدار

46 - ءسوز

پروفيلاكتيكا بىتوۆوگو ناسيليا

الماز ەششانوۆ 1000
قاۋىپ ەتكەننەن ايتامىن

جاۋ جوق دەمە – جار استىندا...

قۋات قايرانباەۆ 10303