اقوردا ەربولات دوساەۆتىڭ قىزمەتىنەن بوساتىلعانىن حابارلادى.

– مەملەكەت باسشىسىنىڭ جارلىعىمەن ەربولات اسقاربەكۇلى دوساەۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى لاۋازىمىنان بوساتىلدى، - دەلىنگەن حابارلامادا.

ەربولات اسقاربەكۇلى 1970 جىلعى 21 مامىردا الماتى قالاسىندا دۇنيەگە كەلگەن.

ول 1993 جىلى الماتى ەنەرگەتيكالىق ينستيتۋتىن، سونداي-اق ماسكەۋدىڭ باۋمان اتىنداعى مەملەكەتتىك تەحنيكالىق ۋنيۆەرسيتەتىن بىتىرگەن. ماماندىعى – ەلەكتروندىق تەحنيكا ينجەنەرى.

ەڭبەك جولى:

– 1993 - 1994 جج. – مەنەدجەر، «ىسكەر» حالىقارالىق عىلىمي-وندىرىستىك كاسىپورنى;

– 1994 ج. – ديرەكتوردىڭ ورىنباسارى، «ۆەگا» شاعىن كاسىپورنى;

– 1994 - 1996 جج. – ديرەكتوردىڭ ورىنباسارى، ديرەكتور، «فيرما «اكتسەپت» جشس;

– 1996 - 1997 جج. – ديرەكتور، ءبىرىنشى ۆيتسە-پرەزيدەنت، باس ديرەكتور، «كورپوراتسيا «اكتسەپت» جتاق;

– 1997 ج. اقپان - تامىز – باسقارما توراعاسىنىڭ ورىنباسارى، «بانك تۇران-الەم»;

– 1997 ج. تامىز - 1998 ج. ناۋرىز – باسقارما توراعاسى، «الماتينسكي تورگوۆو-فينانسوۆىي بانك» جاق;

– 1998 ج. ناۋرىز - شىلدە – قر پرەمەر-ءمينيسترىنىڭ كەڭەسشىسى;

– 1998 ج. شىلدە - 2000 ج. اقپان – قر ەنەرگەتيكا، يندۋستريا جانە ساۋدا ۆيتسە-ءمينيسترى;

– 1999 ج. جەلتوقسان - 2001 ج. شىلدە – قر باعالى قاعازدار جونىندەگى ۇلتتىق كوميسسياسىنىڭ مۇشەسى;

– 2000 ج. اقپان - 2001 ج. قاراشا – قر قارجى ۆيتسە-ءمينيسترى;

– 2001 ج. قاراشا - 2002 ج. تامىز – قر تابيعي مونوپوليالاردى رەتتەۋ، باسەكەنى قورعاۋ جانە شاعىن بيزنەستى قولداۋ اگەنتتىگىنىڭ توراعاسى;

– 2002 ج. قىركۇيەك - 2003 ج. ماۋسىم – قر تابيعي مونوپوليالاردى رەتتەۋ جانە باسەكەنى قورعاۋ اگەنتتىگىنىڭ توراعاسى;

– 2003 ج. ماۋسىم - 2004 ج. ءساۋىر – قر قارجى ءمينيسترى، ەبرر-دەگى قازاقستاننىڭ باسقارۋشىسى;

– 2004 ج. ءساۋىر - 2006 ج. قىركۇيەك – قر دەنساۋلىق ساقتاۋ ءمينيسترى;

– 2012 ج. قىركۇيەك - 2013 ج. قاڭتار – قر ەكونوميكالىق دامۋ جانە ساۋدا ءمينيسترى;

– 2013 ج. قاڭتار - 2014 ج. تامىز – قر ەكونوميكا جانە بيۋدجەتتىك جوسپارلاۋ ءمينيسترى;

– 2014 ج. تامىز - 2016 ج. مامىر – قر ۇلتتىق ەكونوميكا ءمينيسترى;

– 2016 ج. مامىر - 2017 ج. تامىز – «بايتەرەك» ۇلتتىق باسقارۋشى حولدينگى» اق باسقارما توراعاسى;

– 2017 ج. تامىز - 2019 ج. اقپان – قر پرەمەر-ءمينيسترىنىڭ ورىنباسارى;

– 2019 ج. اقپان - 2022 ج. قاڭتار – قر ۇلتتىق بانك توراعاسى;

– 2022 جىلعى 31 قاڭتاردان بەرى – الماتى قالاسىنىڭ اكىمى (2022 جىلعى 2 جەلتوقساندا قايتا تاعايىندالدى).

ايتا كەتەيىك، ەربولات دوساەۆ وتكەن جىلى مامىردا الماتى قالاسىنىڭ اكىمى قىزمەتىنەن كەتتى.

ودان كەيىن قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى لاۋازىمىنا تاعايىندالعان بولاتىن.

Abai.kz