پرەزيدەنت قاسىم-جومارت توقاەۆ ۇلتتىق قاۋىپسىزدىك كوميتەتىنە (ۇقك) جاڭا قىزمەتتەر جۇكتەدى، دەپ حابارلايدى BAQ.KZ ءتىلشىسى.

مەملەكەت باسشىسى 1996 جىلعى 1 ساۋىردەگى №2922 «قازاقستان رەسپۋبليكاسى ۇلتتىق قاۋىپسىزدىك كوميتەتى تۋرالى ەرەجەنى بەكىتۋ تۋرالى» پرەزيدەنت جارلىعىنا وزگەرىستەر مەن تولىقتىرۋلار ەنگىزۋ جونىندەگى قۇجاتقا قول قويدى. قۇجات ۇقك-نىڭ قارجىلىق مونيتورينگ جانە مەملەكەتتىك ماتەريالدىق رەزەرۆتەردى باسقارۋ سالاسىنداعى وكىلەتتىكتەرىن كەڭەيتەدى.

جاڭارتىلعان ەرەجەگە سايكەس، ۇقك زاڭسىز جولمەن الىنعان كىرىستەردى زاڭداستىرۋعا، تەرروريزمدى قارجىلاندىرۋعا جانە جاپپاي قىرىپ-جويۋ قارۋىن تاراتۋدى بولدىرماۋعا قارسى ءىس-قيمىل ءۇشىن ۋاكىلەتتى ورگاننىڭ سۇراۋى بويىنشا ءوز اقپاراتتىق جۇيەلەرىنەن مالىمەتتەر بەرەدى.

وزگەرىستەر ۇقك-نىڭ مەملەكەتتىك ماتەريالدىق رەزەرۆتەر سالاسىنداعى وكىلەتتىكتەرىن ناقتىلايدى. اتاپ ايتقاندا:

• ماتەريالدىق قۇندىلىقتاردىڭ نومەنكلاتۋراسى مەن ساقتاۋ كولەمى بويىنشا ۇسىنىستار ەنگىزۋ;
• موبيليزاتسيالىق رەزەرۆتەن قۇندىلىقتاردى قارىزعا بەرۋ نەمەسە جاڭارتۋ تارتىبىمەن شىعارۋ ماسەلەلەرىن شەشۋ;
• ماتەريالدىق قۇندىلىقتاردى ساقتاۋ، جاڭارتۋ جانە مەملەكەتتىك ورگاندار اراسىندا تاسىمالداۋدى ۇيىمداستىرۋ;
• رەزەرۆتەردى ساقتاۋ جانە قالىپتاستىرۋ شىعىندارى بويىنشا ۇكىمەتكە ۇسىنىستار دايىنداۋ.

جارلىقتىڭ نەگىزگى ەرەجەلەرى 9 جەلتوقساننان باستاپ كۇشىنە ەندى. ال ماتەريالدىق رەزەرۆتەرمەن جۇمىسقا قاتىستى جەكەلەگەن تارماقتار 2027 جىلعى 1 قاڭتاردان باستاپ قولدانىلادى.

Abai.kz